فى عينيك دنيا غريبة

فى عينيك دنيا غريبة
دنيا مليانة محنة وطيبة
مرة تدفع ومرة تجمع
مرة تاخد كل أعماقنا
وتابا... تجيبا
و انا إتحيرت شلت الخطوة
حتى الخطوة لما تشوف جمال عينيك
تبقى ترجع و ليك بتطلع
قصة صورة فى عينيك حروفها رهيبة
فصوله بتحكى للايام
عيد ميلاد حبيب و حبيبة
و تروى كلام مطابق ليك
نابع اصله من عينيك
و سماح عينيك عاد يا زينه
زى الليها ما شفنا
فيها حديث جميل و رقيق
بيدي الناس جمال إحساس أصيل و عريق
و خاطراً طيب يخت فى الكون
حلاوة لون جديد فى طبعه متفرد
و مضمون فريد وعميق و متعدد
و ديمة عليهو متجدد
و سماح عينيك عاد يا زينه
زى الليها ما شفنا
لا فى الريل ولا انسان
و لا الجدي السمح بلحيل
سماح عينيك يشيل و يزيل شقى الايام
و يرسم لينا لقدام بكل حنان
يزغرد لينا زين وعديل



__________________

اللهم عفوك ورضاك عليه وعلينا يارب